Рухани жаңғыру және Халифа Алтай мұрасы

Қазақстан Республикасы Білім және ғылым министрлігі Ғылым комитеті «Ғылым ордасы» РМК Орталық ғылыми кітапханасы 2017 жылдың 24 қарашасында Ш.Ш. Уәлиханов атындағы Тарих және этнология институты, Халифа Алтай Халықаралық қайырымдылық қоры және «Ер Жәнібек» қоғамдық қорымен бірлесе отырып түркі әлеміне кеңінен танымал дінтанушы-ғалым, қайраткер Алтай Халифа Ғақыпұлының туғанына 100 жыл толуына арналған «Рухани жаңғыру және Халифа Алтай мұрасы» атты Республикалық ғылыми-тәжірибелік конференцияөткізді.

Конференция жұмысы барысында Ұлы дала елі және Халифа Алтай тағылымы; Дінтанушы-ғалым және қайраткер Халифа Алтай; Рухани жаңғыру және Халифа Алтай мұрасының зерттелу барысы мен бағыттары тақырыбында өзекті мәселелер талқыланды.

Ісшараны Ш.Ш.Уәлиханов атындағы Тарих және этнология институтының директоры, т.ғ.д., профессор Қабылдинов Зиябек Ермұханұлы кіріспе сөзімен ашты, «Халифа Алтай Халықаралық қайырымдылық қоры» қамқоршылық кеңесінің мүшесі Қасенов Қайнолла Зейнолұлы, Ш.Ш.Уәлиханов атындағы Тарих және этнология институтының бөлім бастығы, т.ғ.д., проф. Әжіғали Серік Ескендірұлы, ҚазҰУ Түлектер ассоциациясының атқарушы директоры, т.ғ.к. Балтабаева Күлғазира Нұранқызы, Ш.Ш.Уәлиханов атындағы Тарих және этнология институтының бас ғылыми қызметкерлері т.ғ.д. Тоқтабай Ахмет Уалханұлы мен т.ғ.д., доцент Құдайбергенова Айжамал Ибрагимқызы, Абай атындағы ҚазҰПУ, Әлем тарихы кафедрасының меңгерушісі, т.ғ.д., проф. Төлекова Мереке Құлкеқызы, «Ғылым Ордасы» РМК Орталық ғылыми кітапхана меңгерушісі Қаймақбаева Қарлығаш Ескендірқызыжәне басқа келген құрметті қонақтар Халифа Алтайдың өмірі мен мұрасы туралы сөз сөйледі.

Конференция аясында «Қазақстан ғалымдарының биобиблиографиясы» сериясында дайындалған «Алтай Халифа Ғақыпұлы» атты көрсеткіштің тұсаукесері өткізіліп,Халифа Алтайдың еңбектерінің көрмесі көрсетілді.

      Алтай Халифа Ғақыпұлы: Биобиблиографиялық көрсеткіш / Құраст.: Г.Н. Балтабаева, С.Е. Әжіғали, С.С. Қорабай, Ғ. Ғаббасұлы, Р.С. Қожахметов, К.М. Қоңырбаева, Абд.Х. Алтай. – Алматы, 2017. – 249 б.: портр. ISBN 978-601-7815-30-1 ӘОЖ 02 КБЖ 91.9:6