Орталық ғылыми кітапханада төмендегідей дәстүрлi каталогтар құрылған:

• Тiл белгiлерi бойынша: қазақ, орыс, ТМД  елдерінің тілінде, шет тiлдерiнде.
• Түрлерi бойынша: орыс тіліндегі әдебиеттер каталогы, қазақ тіліндегі әдебиеттер каталогы, сирек кездесетін кiтаптар, диссертациялар, шығыс әдебиетi, фотокөшiрмелер, микрофильмдер, қолжазбалар, жалғасты басылымдар, авторефераттар, мерзімді басылымдар (газеттер, журналдар), ТМД елдерінің тіліндегі әдебиеттер каталогы, көркем әдебиеттер каталогы, электрондық тасығыш әдебиеттер каталог.

ОАК - оқырман алфавиттік каталогы, библиографиялық жазбалары авторлардың аты-жөнi, ұйымдардың аттары және (немесе) құжаттардың атауы алфавиттік ретпен орналасқан каталог.

ЖК – жүйелi каталог: бiлiм салалары бойынша құжаттардың белгiлi бiр жүйелi жiктелуiмен орналасқан библиографиялық жазбалар.

АПК - жүйелi каталогқа алфавиттік-пәндiк көрсеткiш: жүйелi каталогқа көмекшi аппарат, пәндiк рубрикалардың алфавиттік тiзiмiн берiп, тақырып бойынша жүйелi каталогтың классификациялық индексін ұсынады.

ЭК - электронды каталог: оқырмандар кез-келген уақытта пайдалана алатын электронды түрдегі каталог.

Қызметтік каталог: айырбастау және қосалқы қордан басқа, бүкiл кiтапхана қорынан көрiнiс беретiн кiтапханалық каталог.

Жалғасты басылымдар каталогы: карточкалары ұжым атаулары бойыншаалфавит тәртiбiмен орналасқан каталог: "Академиялар", "Кiтапханалар", "Институттар", " Қоғамдастықтар" , "Университеттер" т.б. Бөлiмдер iшiнде карточкалар алфавит ретiмен орналасқан. Жалғасты басылымдар каталогында көмекшi картотекалар: академиялық басылымдарға жол сiлтейтiн қысқарту картотекалары бар.

Шетел журналдары каталогы: карточкалар алфавиттік ретімен орналасқан. Каталогқа тақырыптық картотекалар бар, олар ӘОЖ бойынша орналасқан.

Сирек кітаптардың каталогы:алфавиттік каталогында карточкалар алфавит тәртібімен орналасқан; жүйелі каталог карточкалары ғасырлар бойынша орналасқан, оның ішінде жылдарға бөлінген.