Есет Құдайбергенұлы Жұбановтың туғанына 90 жыл толуына орай «Ғылым ордасы» РМК Орталық ғылыми кітапханасында кітап көрмесі ұйымдастырылды.Көрмеге ғалымның ғылыми еңбектері, мерзімді басылым беттерінде жарияланған мақалалары және оның редакциясымен шыққан әдебиеттер қойылды.

Көрнекті фольклортанушы ғалым, филология ғылымдарының докторы, профессор Есет Құдайбергенұлы Жұбанов 1929 жылы 22 қарашада Ақтөбе қаласында дүниеге келген.

1951ж. Абай атындағы педагогикалық институтын бітірген.

1951–1957 жылдары Петропавл педагогикалық училищесінің оқытушысы, Солтүстік Қазақстан облысының мұғалімдер білімін жетілдіру институтының бөлім меңгерушісі, оқу бөлімінің нұсқаушысы және “Қазақстан мұғалімі” газетінде қызмет атқарды.

1957–1959 жылдары Тіл және әдебиет институтында ғылыми қызметкер,

1959–1961 жылдары осы институттың аспиранты,

1962–1991 жылдары кіші, аға ғылыми қызметкер болған.

1991 жылдан Ақтөбе мемлекеттік университетінде доцент, жұбановтану лабораториясының меңгерушісі қызметін атқарады. Негізгі ғылыми-зерттеу жұмыстары қазақ эпостарының тілін, әдеби тіл тарихын талдауға арналған.

1967 ж. «Қозы Көрпеш – Баян сұлу эпосының тілі жөнінде» деген тақырыпта кандидаттық, «Халық әдебиеті тілін зерттеудің лингво-стилистикалық аспектілері» деген тақырыпта докторлық диссертациясын қорғады. 150 ден астам ғылыми еңбектердің авторы.