ҚР Ұлттық ғылым академиясының 70-жылдығы, Ғылым ордасы РМК Орталық ғылыми кітапханасының 85 жылдығынаорай 2017 жылы 16 наурызда «Ғылым ордасы» РМК Орталық ғылыми кітапханасында «Национальная академия наук Казахстана. Хроника событий» көрсеткішінің тұсаукесер рәсіміне арналған салтанатты іс-шара өткізілді.

Іс шараға арнап кітап көрмесі ұйымдастырылды. Көрменің бірінші бөліміне 1946 ж. ҚазақССР ҒА ашылуына байланысты Қ.И. Сәтбаевтың редакциясымен шығарылған басылымнан бастап ҒА сессияларының материалдары және осы академияның тұңғыш Президенті Қ.И. Сәтбаевтың еңбектері қойылды. Келесі бөлімде Орталық ғылыми кітапханада ғылымның әр саласы бойынша әр жылдары жарық көрген библиографиялық көрсеткіштермен танысуға болады. Атап айтсақ: «Ұлы тұлғалар» сериясы, «Қазақстан және әлемдік қауымдастық» сериясы, «Қазақстан ғалымдарының биобиблиографиясы» сериясы, «Қазақстан кітапхана ісінің көрнекті қайраткерлері» сериясымен шыққан басылымдар. Сонымен қатар ОҒК 2012-2014 жж. гранттық жобамен сирек кітаптар мен қолжазбалар қорының материалдары бойынша шығарылған басылымдар қойылды.