2021 жылдың желтоқсан айының 7-8 жұлдызы аралығында, Орталық ғылыми кітапхана қызметкерлері Назарбаев Университеті кітапханасының онлайн форматында ұйымдастырылған кітапханалық технологиялар мектебінің семинарына қатысты. Семинар тақырыбы «Ақпаратты ұйымдастырудың заманауи халықаралық қағидаттары мен стандарттарын енгізу тәжірибесі. Деректерді басқару». Кітапхана мамандары Marc 21, LRM, RDA каталогтаудың халықаралық стандарттарын енгізетін Латвия, Украина, Ресей және басқа елдердің Ұлттық, академиялық кітапханаларының тәжірибесімен танысты.
Тыңдаушылардың үлкен қызығушылығын тудырған, Ресей мемлекеттік кітапханасының пайдаланушыға виртуалды ортада іздеуді жеңілдетуге бағытталған ашық деректер сөздіктерін енгізу тәжірибесі, сондай-ақ Назарбаев Университеті кітапханасының каталогтау процестерін басқару, халықаралық стандарттарды пайдалану және лицензиялық дерекқорларды пайдалану болды.
Мемлекет басшысы Қасым-Жомарт Тоқаевтың Қазақстан халқына Жолдауы