2016 жылы 13 желтоқсанда Қазақстан Республикасы Білім және ғылым министирлігі Ғылым комитетінің Ш.Ш. Уәлиханов атындағы Тарих және этнология институты «Ақай Нүсіпбеков және қазақ мемлекеттілігінің тарихы» тақырыбында Республикалық ғылыми-практикалық конференция өткізді. Аталған іс-шараға Орталық ғылыми кітапхана қорынан кітап көрмесі ұйымдастырылды. Көрмеге Қазақстан тарихының маңызды мәселелерін зерттеуге айтарлықтай үлес қосқан А. Нүсіпбековтің ғылыми еңбектері, ол туралы жазылған мақалалар, оның ғылыми және қоғамдық қызметін зерделейтін әдебиеттер қойылды.