Қазақстан Республикасы Білім және ғылым министрлігі Ғылым комитетінің Ш.Ш.Уәлиханов атындағы Тарих және этнология институты 2016 жылдың 10 қарашасында көрнекті қоғам және мемлекет қайраткері, әйгілі тарихшы, ҚР ҰҒА академигі, Ресей Ғылым академиясының корреспондент-мүшесі Байдабек Ахметұлы Төлепбаевтың 95 жасқа толуына орай «Академик Б.А. Төлепбаев және ұлттық тарих» атты республикалық ғылыми- тәжірибелік конференция өткізді.

        Аталған іс-шараға арнап «Ғылым ордасы» РМК Орталық ғылыми кітапхана қорынан кітап көрмесі ұйымдастырылды. Ғалымның ғылыми еңбектері және академик Б.А.Төлепбаев туралы жазылған көптеген басылымдар кітап көрмесін толықтырды.