Медеу ауданының 100 үздік мұғалімі. 100 лучших учителей Медеуского района/Алматы: АRNА-В, 2018-172 б.

Елбасы Нұрсұлтан Әбішұлы Назарбаевтың бастамасымен елімізде 2017 жылдан бастап «Қазақстандағы 100 жаңа есім» жобасы қолға алынған болатын. Жобаның міндеті - Тәуелсіздік алған жылдардан бері мемлекетіміздің дамуына елеулі үлестерін қосып жүрген әр саланың май- талмандарын көпке таныту. Осы игі бастаманы жүзеге асыру мақсатында қоғамда жетістікке жетіп, еңбегімен, біліктілігімен көзге түскен азаматтар жобаға енгізілуде.

«Болашаққа бағдар: рухани жаңғыру» атты Президент мақаласында көрсетілген «100 жаңа есім» жобасының өңірлік нұсқасын жасау» туралы міндет Алматы қаласында да бастау алды. Қолдарыңыздағы жинақ - аталмыш міндетті орындаудағы алғашқы қадамдардың бірі. Медеу ауданы бойынша білім саласында қажырлы еңбек етіп, бала тәрбиелеу мен оқытуда табысты жұмыс атқарған ұстаздар осы жинаққа еніп отыр. Бүкілелдік ауқымда атқарылып жатқан бұл жоба мұнымен тоқтамай, әрі қарай аудан бойынша үздік түлектердің,үздік оқушылардың есімдерімен жалғасатын болады. Қолдарыңызға алып отырған жинақ жылдар бойы абыройлы қызмет жасап келе жатқан, болашақта мемлекеттің алтын қорына енетін аудан ұстаздарын көпке таныстыруға ықпал етіп, олардың жұмыстарына жаңа серпін береді деп сенеміз.