Құрметті оқырмандар! Бүгін «Ғылым ордасы» РМК Орталық ғылыми кітапханасы 9 Мамыр – Ұлы Жеңіс күніне арналған кітап көрмесін ұйымдастырды. Жеңіс күні – бұл жеңісті ерліктің, еңселі елдіктің Рухы өрлеп, Жеңіс туы желбіреген күн. Елі мен жері үшін жанын пида еткен, туған-туысқандарына, жақын-жарандарына, туған жеріне оралмай қалған қаһарман ерлерді бүкіл ел болып еске алатын күн. Отанына деген шексіз табандылық пен ерліктері қатал соғыста жеңіске жеткізді. Ұлы Жеңіс күні – бейбітшілік пен жасампаздықтың асыл құндылығымыз.