Қазақ тіл білімінің негізін салушылардың бірі, Қазақ ССР Ғылым академиясының ірге тасын қаласқан, халқымыздың аты әйгілі түрколог-ғалым. Қазіргі Шымкент облысының Созақ ауданындағы "Сызған" совхозында 1907 жылдың 15 ақпанында туған.
Қ. Кеңесбаев көптеген қоғамдық жұмыс пен шұғылданды: Шетелдегі отандастармен мәдени байланыс жасайтын қазақ "Отан" қоғамы президиумының председателі, Қазақ ССР Министрлер Советі жанындағы Мемлекеттік терминология комиссиясы председателінің орынбасары, Түркологтардың совет комитетінің мүшесі, сондай-ақ ол ССР ҒА Әдебиет пен тіл бөлімшесінің жанындағы "Социалистік ұлттардың дамуына байланысты ұлт тілдерінің даму заңдылығы" жөніндегі және Қазақ ССР ҒА Қоғамдық ғылыми бөлімшесінің жанындағы "Қазақ тілінің даму заңдылығы " жөніндегі ғылыми кеңестердің мүшесі. Көп жылдан бері "
Советская тюркология", "Қазақ ССР ҒА Хабарлары. Филология сериясы" секілді журналдардың редколлегия мүшесі. Ұзақ жыл бойы соңғы аталған журналдың жауапты редакторы болып істеді. Осындай жан-жақты ғылыми-педагогикалық қоғамдық қызметін үкіметіміз жоғары бағалап Ленин ордені, Еңбек Қызыл Ту, Қызыл Жұлдыз орденімен және бірнеше медальдар мен, Қазақ ССР Жоғары Советінің Құрмет грамотасымен наградтады. Ең алғаш " Қазақ ССР-інің еңбек сіңірген ғылым қайраткері" атағын алған ғалымдарының бірі. "Ғылым ордасы" РМК орталық Ғылыми кітапхана қорында бар Ғалымға арналған тақырыптық көрме ұйымдастырылды. Көрмеге ғалымның өмірі мен шығармашылығы және де ол туралы жазылған әдебиеттер қойылды.
Мемлекет басшысы Қасым-Жомарт Тоқаевтың Қазақстан халқына Жолдауы