2020 жылдың 5 қарашасында Ш.Ш.Уәлиханов атындағы Тарих және этнология институты ғалым-антрополог, тарих ғылымдарының докторы, профессор, ҚР ҰҒА академигі, Болония ғылым академиясының корреспондент мүшесі, Ш.Уәлиханов атындағы сыйлықтың лауреаты Смағұлов Оразақ Смағұлұлының 90 жасқа толуына орай «Оразақ Смағұлов – Қазақстан антропология ғылымының негізін қалаушы» атты Халықаралық ғылыми-практикалық конференция өткізді.

Конференцияда Қазақстан антропология ғылымы дамуының қазіргі жағдайы мен өзекті бағыттары талқыға салынды. Сонымен қатар О.Смағұловтың қазақ этносының шығу тегіне қатысты антропологиялық аспектілерді зерттеудегі үлесін атап көрсетті.

«Ғылым ордасы» РМК Орталық ғылыми кітапханасы осы іс-шараға арнап кітап көрмесін ұйымдастырды. Көрме ғалымның ғылыми еңбектерімен, монографиялар мен мақалалар жинағынан құралды.