1995 жылдың 30 тамызында бүкіл халықтық референдум нәтижесінде қабылданған еліміздің негізгі заңы Қазақстан Конституциясына – 25 жыл толып отыр.Қазақстан Республикасының мемлекеттігін білдіріп өмір талабына сай дайындалған Конституция мемлекеттік құрылыстың негізін қалыптастырушы, Республиканың қымбат қазынасы – адам және оның өмірі, құқықтарымен бостандықтарын қорғауға арналған заңды құжат болып табылады.

Биыл ширек ғасыр толып отырған Конституция Тәуелсіз Қазақстан тарихында қабылданған екінші заңды құжат. Қазақстан Республикасының тұңғыш Конституциясы 1993 жылы 28 қаңтарда республика Жоғары кеңесінің ІХ сессиясында қабылданды. Қоғамдық даму барысында Конституцияда көрсетілген кейбір заңдардың өмір талабына сай нақтыланбаған тұстары болғандықтан оны қайта қарау туралы мәселе көтеріліп, жаңа жоба дайындалды. Ата Заң жобасы халыққа ұсынылып, нәтижесінде 1995 жылы 30 тамызда толықтырулар мен түзетулер енгізу арқылы Қазақстан Республикасының жаңа Конституциясы қабылданды. Конституцияда Парламенттің қоспалаталық жүйесі, Президент құзыреті, Сот төрелігінің қызметі, Конституциялық кеңестің өкілеттілігі және т.б. мәселелер қамтылды. Бұл күн Тәуелсіз Қазақстан тарихында ерекше орыналып, жылда атап өтілетін атаулы мерекеге айналды.