«Ғылым ордасы» РМК Орталық ғылыми кітапханасында экономика ғылымдарының докторы, профессор, Қазақстан Республикасының еңбек сіңірген экономисі Муза Гавриловна Исаеваға арналған кітап көрмесі ұйымдастырылды.

М.Г. Исаева 1946 жылы Самарқанд қаласындағы Өзбекстан халық шаруашылығы институтына түсіп, 1950 жылы институтты үздік бітірді.

1952ж. ҚазССР Ғылым академиясы Экономика институтының аспирантурасын ойдағыдай аяқтап, институтта үздіксіз еңбек етті.

1955-2005жж. ҚазССР Ғылым академиясының Экономика институтында жұмыс істеді.

1971ж. ҚазССР Ғылым академияcында ұзақ жылдар және табысты еңбек атқарғаны үшін ҚазССР Жоғарғы Кеңесі Президиумының Құрмет грамотасын алды.

2002 ж. «Қазақстан Республикасы ғылымын дамытудағы еңбегі үшін» төсбелгісімен марапатталды.

Ғалымның 30-ға тарта монография, 100-ден аса мақалалары бар.

М.Г. Исаева өңірлік экономика саласында үлкен ғылыми мектепті құрды.

Көрмеге ғалымның еңбектері, баяндамалары және ол туралы әдебиеттер қойылды.