Аллаһ Тағаланың шексіз рақымдылығының асыл айғағындай болған, Жаратқанның ең соңғы қасиетті кітабы – Құран Кәрім. Қасиетті Құран Кәрім пайғамбарлардың соңы - Мұхаммедке Рамазан айында түскен. Ол жайлы «Бақара» сүресінде: «Рамазан – Адам баласына тура жол көрсетіп, ақ пен қараның ара жігін айыратын Құран түсірілген ай» (185-аят) - деп баяндалады. Алғашқы Құран аяттары Қадір түні түскені де қасиетті кітаптың «Қадір» сүресінде айтылады. Сол себепті Рамазан айын мұсылмандар тағатсыздана күтіп, ерекше құлшылықпен, ізгілікпен, имандылықпен өткізуге тырысады. Мұсылман қауымы аса қадір тұтқан Рамазан айына байланысты «Ғылым ордасы» РМК Орталық ғылыми кітапханасы кітап көрмесін ұйымдастырды.

Көрме «Ислам және заман», «Ұлы тұлғалар ислам жөнінде», «Ислам және өнеге», «Ислам – религия мира и созидания», «Ата-баба діні», «Дін және дәстүр», «Дін мен Діл», «Дәстүрлі Ислам жауһарлары», «Құран Кәрім», «Мұхаммед Пайғамбар», «Қажылық», «Шариат», «Құлшылық және сенім», «Рамазан үнемділік, шүкір» және т.б әдебиет басылымдарымен толықты.