2018 жылы 21 ақпанда Алматы облысы, Қарасай ауданы, Жамбыл ауылындағы №2 орта мектепте Елбасы Н.Ә. Назарбаевтың «Болашаққа бағдар: Рухани жаңғыру» мақаласы аясында «Жүз жасаған бәйтерек» атты әдеби кеш және мектепте Жамбыл Жабаевқа музей ашу салтанаты болды. Осы іс-шараға арнап «Ғылым ордасы» РМК Орталық ғылыми кітапханасы «Ақ басты Алатаудың Жамбылымын» атты кітап көрмесін ұйымдастырды.

Көрмеге ақынның 1937-1940 жылдары латын тілінде жарық көрген еңбектері, 1946 жылы Жамбылдың 100 жасқа толуына орай арнайы шығарылған академиялық толық жинағынан бастап, барлық шығармалары қойылды.

Көрмеге аудан мектептерінің басшылары мен мұғалімдері, ауданның білім жөніндегі басшысы, жергілікті әкімшіліктен қонақтар, мектеп оқушылары және Жамбыл ақынның туыстары мен жамбылтанушылар қатысты.

Мектеп мұғалімдері мен оқушыларының ұйымдастыруымен концерт көрсетілді.