Ш.Ш. Уәлиханов атындағы Тарих және этнология институты және Халықаралық Түркі академиясының ұйымдастыруымен белгілі тарихшы, т.ғ.к., тарих институтының жетекші ғылыми қызметкері Дәулетхан Әлімғазының 75 жылдығына орай «Рухани жаңғыру және түркі әлемі тарихының мәселелері» атты халықаралық ғылыми-практикалық конференция өтті. Конференцияда ежелгі және орта ғасырлардағы Қазақстан тарихының этносаяси мәселелері, Түркі халықтарының мәдени тарихы, «Рухани жаңғыру» бағдарламасы аясындағы отандық тарихтың өзекті мәселелері талқыланды.

Іс-шара барысында «Ғылым ордасы» РМК Орталық ғылыми кітапхана ғалымның мерейтойына арнап кітап көрмесін ұйымдастырды. Көрмеге Ә. Дәулетханның өмірі мен қызметіне байланысты әдебиеттер және әр жылдары жарық көрген ғылыми еңбектері қойылды.