Дүниежүзі қазақтарының V Құрылтайының ашылу салтанатына орай «Ғылым ордасы» Орталық ғылыми кітапханасында «Әлем қазақтарының Құрылтайы: қазақ диаспорасының бірлігі және тарихи отанымен байланысы» атты кітап көрмесі қойылды.

Кітап көрмесінен Қазақстандағы көші-қон тарихы, саясаты, демографиялық қыры туралы жазылған ғылыми еңбектер және алдыңғы өткен Құрылтайларға арналған конференция материалдарымен танысуға болады.

Қазақ диаспорасының атамекенге оралуы, олардың Қазақстанның дамуына қосып жатқан үлестері, бүгінгі күні шетелдерде тұрып жатқан отандастарымыздың тыныс-тіршілігі туралы жазылған көптеген әдебиеттерді де көрмеден көре аласыздар.

Сонымен қатар шетелдегі қазақтардың дәстүрі, әдебиеті, өнері жайлы және олардың творчестволық еңбектерімен  таныс боласыздар.