31 мамыр–Ашаршылық пен Саяси қуғын-сүргін  құрбандарын еске алу күні. Қазақстанда ХХ ғасырдың ортасы қазақ үшін ең ауыр кезең болды. Ұлт тарихындағы ең қасіретті оқиға қолдан жасалып қазақтың бүкіл өмірі, күн көрісі малмен байланысты болғандықтан оларды малынан айырып, жаппай ашаршылыққа ұшыратты.

Ал Алаш арыстарын ұлтшыл, жасырын ұйым құрды деген жаламен  қуғын-сүргінге ұшыратты, қамауға алды, жер аударды. Елдің еркіндігі мен елдігі жолында құрбан болған Алаш арыстарының өнегелі істері өскелең ұрпақ үшін аса маңызды.

Республика бойынша өтіп жатқан осы іс-шараға байланысты «Ғылым ордасы» Орталық ғылыми кітапханасы «ХХ ғасырдың 30 жылдарындағы Қазақстандағы ашаршылық» және «Ғасыр жүгін арқалаған арыстар» атты бөлімнен тұратын кітап көрмесін ұйымдастырды.