Тохтамов Турган. Суд совести: Роман. Пер. с уйг. В. Касымовой. Алматы, 2018. - 288 с.

ISBN 978-601-7461-42-3

Роман Тургана Тохтамова "Суд совести" основан на реальных событиях, имевших место в жизни уйгурского народа в 30-50 годах XX века. Сквозь призму судьбы главного героя Рахмана и близких ему людей автор раскрывает общественно-политические и личностные мотивы, обусловившие драматические страницы их жизни.

Қайсенов Қасым.Жау тылында / Қасым Қайсенов. - Алматы: «Өнер» баспасы, 2018. 384 бет.

ISBN  978-601-209-253-0

Ұлы Отан соғысын бастан-аяқ Украина және Белоруссия жерінде, қалың орман ішінде партизандармен бірге қан майдан кешіп өткізген қазақ халқының қаһарман ұлы, Халық Қаһарманы Қасым Қайсеновтің жау тылында өткен өмірі сұрапыл оқиғаларға толы. Қасым аға соғыс бітіп, кеңес халқы толық жеңіске жеткеннен соң елге оралғанда қолына қалам алып сол оқиғаларды қаз-қалпында қағазға түсірген болатын. Батырдың басынан өткен оқиғалары жеке-жеке әңгімелер күйінде де, автордың өлім мен өмірдің арасында арпалысқан кездеріндегі біртұтас оқиға-хикаяттар ретінде де өте қызықты баяндалады.

АТАМЕКЕН: ақпараттық-танымдық жинақ. // Құраст. С.Итеғұлова. // - Алматы: «Раlitrа-ргеss», 2018. - 144 бет.

ISBN  978-601-06-5396-2

Жинақта Қазақстанның ерекше бағаланатын табиғи мұра ескерткіштері туралы мәліметтер беріле отырып, танымал археологиялық ескерткіштер, діни және ғибадат орындарына қысқаша шолу жасалған. Өлкеміздің бай табиғи, тарихи, туристік әлеуетін таныту мақсатында қолданылған иллюстрациялық материалдар жинақтың тартымдылығын арттырады.

Жинақты еліміздің тарихы мен табиғаты қызықтыратын жалпы көпшілік қауым пайдалана алады.

Көпіш Ә.Мәңгілік майдан: Роман-дилогия. 2-кітап. Көк аспанның әміршісі. - Алматы: "Өнер", 2018. - 400 бет.

ISBN  978-601-209-255-4

Күні кеше ғана мәңгілік Уақыт қойнауына кеткен - XX ғасырда, бүкіл адамзаттың тағдырымен бірге, қазақ халқының өзегін жойқын тарихи-әлеуметтік қасіреттер тілгілеп өтті. Ен далада бейбіт, бейтарап өмір сүріп жатқан халқымыз Ресей империялық күштерінің қанкұйлы басқыншылығы мен опасыз отаршылдығын, орыс патшалығын ысырып, тарих сахнасына зорлықпен келген әкімшіл-әміршіл кеңестік - Қызыл империя жүйесінің ұлттық ой-санамыз бен рухани даралығымызды қирата күшпен тойтаруын, жаңа қоғам әкеліп орнатқан екіжүзділік пен сатқындықтың бұрында құлақ естіп, көз көрмеген - қанды оқиғаларын бастан кешірді. Осыны ұрпақтар ұмытпауы керек.

Автор "Мәңгілік майдан" (бір жанның мыңжылдық қасіреті) атты тарихи-психологиялық роман-дилогиясының 2-кітабында 1916 жылғы бүкіл қазақ даласындағы Ресей отаршылдарына қарсы ұлт-азаттық көтерілістің Жетісу аймағындағы қанды қырғындар тарихы мен "құдайсыз" қызыл большевиктердің мемлекет билігін басып алғаннан соң - біздің халқымыздың адамзат тарихында болмаған тағы да әлденеше қантөгістерді басынан өткізу кезеңдерін - шығарманың басты қаһарманы Серханның және оның айналасындағы адамдардың тағдырын оқиғалармен байланыстыра отырып, ұлттық дүниетанымымыз бен елдік санамызды бойтұмардай сақтап қалу жолындағы кейіпкерлердің арпалысқа толы күрескерлік бітімін даралап көрсетеді.

Мұнда, сондай-ақ, Адам өмірімен қатар, дүниежүзілік биосферада аяусыз зардап шегіп келген - Жер мен тіршілік, ауа мен су, жылқы мен жан-жануарлар, құс пен құмырсқа, ағаш пен өсімдік, яғни, бүкіл Планета тағдыры да қатар өрбумен болады.

Романда қазақ әдебиетінде бұрын-соңды мүлде қолданылмаған жаңа көркемдік әдістер мол. Шығарманың тілі эпикалық тұрғыда - кең, көркем, әрі шебер қиюласқан.

Сыздықова Рәбиға.Тіл және ұлттық мәдениет. 14-том. - Алматы: Ел-шежіре, 2018.-344 б.

ISBN 978-601-79-12-21-5

Кітапқа академик Рәбиға Сыздықованың қазақ тілінің бүгіні мен болашағы, әдеби тіл, тілдік норма, орфографиялық, орфоэпиялық норма, қазақ тілінің емлесі, көркем аударма т.с.с. мәселелерге қатысты әр жылдары баспасөз бетінде жарияланған мақалалары енген. Қазақ орфографиясы мен пунктуациясының қалыптасып, дамуына, тілдік норманың қалыптануына өлшеусіз еңбек еткен ғалымның ой-тұжырымдары бүгінде, латын негізді әліпбиге көшуге бет алып отырған кезде өте өзекгі болып отыр. Р.Сыздықованың тілдік нормаға қатысты ой-тұжырымдары емле ережелерін түзушілер үшін де, қазақ тілінің шырайын кетірмей, дұрыс сөйлеп, дұрыс жазуға талаптанған жалпы көпшілік үшін де маңызды. Жинақ тіл білімі мәселелерімен айналысып жүрген мамандарға, филология факультеттерінің студенттеріне, докторанттар мен магистранттарға, көпшілік қауымға арналған.

Сыздықова Рәбиға. Қазақтың ғылым әлеміндегі алғашқы алыптар. 13-том. - Алматы,     Ел-Шежіре, 2018.-384 б. (жалпы)

Т.1З. - 2018. - 384 б.

ISBN  978-601-7912-20-8

Кітапта қазақтың алғашқы ағартушылары, ғылым-білім дүниесіндегі тұлғалар - Ш.Уәлиханов, А.Байтұрсынұлы, Х.Досмұхамедұлы, М.Дулатов, Қ.Жұбанов сынды ғалымдардың еңбек жолы, шығармашылығы жайында Р.Сыздықованың әр жылдары жазылған еңбектері қамтылған. Академик Р.Сыздықова қазақтың ұлттық тіл білімінің іргетасын қалаушы ағартушы-ғалым, қоғам қайраткері, публицист, ақын Ахмет Байтұрсынұлы мен Қ.Жұбановтың өмірбаяны, қызметі, азаматтық бейнесі туралы тұңғыш зерттеп, сөз еткені, ахметтану, жұбановтану сияқты ғылым салаларын қалыптастырғаны белгілі. Кітап Ш.Уәлиханов, Х.Досмұхамедұлы, М.Дулатовтардың тілдік тұлғасы жайындағы тың деректерімен де құнды. Жинақ тіл білімі мәселелерімен айналысьш жүрген мамандарға, филология факультеттерінің студенттеріне, докторанттар мен магистранттарға, жалпы көпшілік қауымға арналған.

 Сыздықова Рәбиға. Қазақ тілінің анықтағышы. 12-том. - Алматы: Ел-шежіре, 2018. - 384 б.

Т12.-2018 - 382 б.

ISBN 978-601-7912-19-2

«Анықтағышта» қазақша дұрыс жазу, сөзді дұрыс айту (дыбыстау) ережелері түсіндіріледі, яғни емле, тыныс белгілері мәселелері талданып, қазақ тілінің орфографиялық, орфоэпиялық нормалары баяндалады. Кітапта жазылуы біршама қиындық келтіретін жеке сөздер мен тіркестердің сөздігі бар. «Анықтағыш» мектеп мұғалімдері мен баспа қызметкерлеріне, бұқаралық ақпарат құралдары саласында істейтіндерге, сондай-ақ қалың жұртшылықтың пайдалануына арналған.

Шәкәрім, әрі ұлы дарын, әрі Абайдың классикалық поэзиясын жалғастырушысы бола тұра, халықтың игілігі болып табылатын және жас ұрпақты изгілік пен адамгеріиілікке тәрбиелеуге септігін тигізетін, халқына ұлы әдеби мұра қалдырған. Ол - халық мақтанышы!

Будучи великим талантом и продолжателем классической поэзии великого Абая, Шакарим оставил народу огромное литературное наследие, являющееся народным достоянием, служащее воспитанию молодого поколения в духе гуманизма и человечности. Он - гордость казахского народа!

Негимов С.Шығармалары. Бес томдық / С. Негимов. - Астана: Фолиант, 2018.

ISBN  978-601-338-133-6

Т.1: Шешендік өнер. - 400 б.

ISBN  978-601-338-132-9

Бұл томда қазақтың би-шешендерінің елшілдік, мемлекетшілдік істері, дипломатиялық қызметі, тапқырлық, көсемдік, ойшылдық, даналық болмысы, әлеумет алдындағы тұтқиылдан туған асыл ойларының, билік-шешімдерінің, алтын сөздерінің көркемдік-философиялық, этикалық, индивидуалдық қырлары, жалпыадамзаттық және қазақтың классикалық дәуіріндегі құндылықтар, ұлы идеялар, көзқарастар жүйесі зерделенеді.

Замана сыры, халықтың рухы, ұлттың көркемдік дүниетаным мен мәдениеті атақты би-шешендердің өнернамасында қалайша жарқын көрініс тапқаны нақты әдеби-мәдени, тарихи айғақтармен дәйектеледі. Сонымен қатар ұлттық шешендік өнер тарихы адамзаттық ортақ игі- ліктер мен әлем ойшылдарының дара пікір-байламдарымен бірлестікте әрі ежелгі замандағы мәдени-жаһандану үрдістерімен тұтастықта қарастырылады.

«Шешендік өнер» - қазақ көркем ойының энциклопедиясы, даналық дәрістерінің  әлемі.

Профессор С. Негимовтің «Шешендік өнер» кітабы жалпы сөз өнерін құрметтейтін көпшілік қауымға, сондай-ақ жоғары оқу орындарының студенттері мен магистранттарына арналған.

АМАНАТЫ АЛАШТЫҢ. Балаларға арналған энциклопедия. / Автор- кұраст.: Т.Қ.Шаңбай. - Алматы: «Сардар» баспа үйі, 2018. - 248 бет.

ISBN  978-601-82678-7-7

«Аманаты Алаштың» балаларға арналған энциклопедиялық басылымның мақсаты XX ғасыр басында Қазақ Елінің тәуелсіздігі үшін күрескен Алаш қайраткерлерінің ерен еңбегін жастарға үлгі ету. Алаш алыптары, Алаш қозғалысы, Алаш партиясы, Алаш Орда үкіметі туралы жарық көрген еңбектер де, электрондық жүйеде ақпарат та бүгінде аз емес. Дегенмен Отанын сүйетін жастарға Алаш қайраткерлерінің елі үшін, халкы үшін басын бәйгеге тігіп күрескен ерлігін жүйелі түрде қысқаша жинақтап көрсететін арнайы басылымның қажеттігі анық. «Аманаты Алаштың» балаларға арналған энциклопедиясы осы мақсатта дайындалған.