«Ғылым ордасы» РМК Орталық ғылыми кітапханасында Қазақстан Республикасы Ұлттық Ғылым академиясының академигі, Қазақстанның еңбек сіңірген ғылым қайраткері, химия ғылымдарының докторы, профессор Болат Ахметұлы Жұбановқа арналған кітап көрмесі ұйымдастырылды.

• 1929 жылы 4 ақпанда Ақтөбе облысының Темір ауданында дүниеге келді.
• 1947ж. Алматы қаласындағы №25 орта мектепті бітірді.
• 1947-1952жж. Мәскеу қаласындағы Д.И. Менделеев атындағы Химия-технология институтының студенті.
• 1959-1968жж. Қазақ ССР Ғылым академиясы Химия ғылымдары институтының Полимерлер синтезі лабораториясының аға ғылыми қызметкері.
• 1968-1988жж. Қазақ ССР Ғылым академиясының Химия ғылымдары институтының директоры.
• 1976 ж. Еңбек Қызыл Ту орденімен наградталды.
• 1979ж. «Қазақ ССР-нің еңбек сіңірген ғылым қайраткері» атағы берілді.
• 1986ж. «Еңбек ардагері» медалімен марапатталды.

Көрмеге ғалымның өмірі мен шығармашылығы, алған марапаттары туралы мәліметтер, мерзімді басылым беттерінде жарияланған ғылыми еңбектері мен мақалалары және оның редакциясымен шыққан әдебиеттер қойылды.