1 мамыр – Қазақстан халықтарының бірлік, достық мерекесі күніне орай Ғылым ордасы РМК Орталық ғылыми кітапханасында «Қазақстан бейбітшілік, бірлік алаңы» атты кітап көрмесі ұйымдастырылды. Көрмеден Қазақстан халқының баға жетпес байлығы – татулық, ауызбіршілігі арқасында жеткен жетістіктері туралы әдебиет басылымдарын көре аласыздар.

Бұл мереке дүние жүзіндегі халықтардың ынтымақтастық, бауырластық мейрамы, ұлттар достығы мен бірлігі күні. Біздің еліміз туысқан, көрші мемлекеттермен бауырластық, ынтымақтастық, әділдік, бейбітшілік, ауызбіршілік қарым-қатынас орнатып отыр. «Елге ел қосылса – құт» деп дана сөз айтқан халқымыздың тілегі мен ниеті қабыл болып, басымыз көбейіп, бауырымыз бүтінделді. Көші-қонымыз түзеліп, шетелдегі ағайындарымыз ата-жұртқа оралып, қазақтың бір отауы – қауымдастық ұлтымыздың ұюына, береке бірлігіміздің артуына игі істер атқарып отыр. Бүгінде еліміздегі 130-дан астам ұлт пен ұлыстардың өкілдері тәуелсіз мемлекетіміздің нығаюына, Қазақстан ғылымының дамуына үлкен үлес қосып келе жатыр.

Бүгінгі күні біз «осындай елім бар» деп мақтана алатын дәрежеге жеттік.