ҚАЗ | РУС | ENG
   
Негiзгiлерi
Кiтапхана жайлы
Жаңалықтар
Көрмелер
Қазақстан ғалымдарының еңбектері
 

Электрондық тізімдеме

Elsevier МБ
Баннер

Құжаттарды электронды жеткізу


Виртуалды анықтамалық қызметі



 

Ұлы тұлғалар. Бауыржан Момышұлы

«Ұлы тұлғалар»
Ғылыми - ғұмырнамалық сериясы
Бауыржан Момышұлы

ҚР БҒМ Орталық ғылыми кітапханасы «Ұлы тұлғалар» ғылыми-библиографиялық сериясы бойынша кітаптарды 2001 жылдан бастап шығарады.

Аталмыш серияның басты мақсаттары мыналар:
- өз отанына адал, басқа халықтардың дәстүрлері мен мәдениеттерін сыйлай білетін рухани бай және парасатты тұлғаны, Қазақстан азаматы мен патриотын тәрбиелеу;
- тұлғаны ұлттық және әлемдік мәдениетке кіріктіру.

Серияның ғылыми және практикалық құндылығы мынада: көрнекті тұлғалардың биографиясын халқының дүниетанымымен, тарихымен, философиясымен, мәдениетімен, барлық рухани құндылықтар жүйесімен тығыз байланыста библиографиялық зерттеу.

«Ұлы тұлғалар» ғылыми-биографиялық сериясы ҚР БҒМ Орталық ғылыми кітапханасының зияткерлік нысаны ретінде тіркелген, ол көрнекті тұлғалардың басылымдарына алуан түрлі сараптамалық-синтетикалық өңдеу жасауды және ол туралы ақпаратты баспа және электрондық формада мемлекеттік және орыс тілдерінде таратуды көздейді.

Басылымдар патриоттық тәрбиені оңтайландыру, жастардың тарихи, рухани-адамгершілік санасын қалыптастыру үшін өз шығармашылығында халықтың тарихы мен мәдениетін бейнелеген Қазақстанның көрнекті тұлғалары туралы білімдерді қалыптастыруға және олардың шығармаларын насихаттауға бағытталған.

Бұл кітап Кеңес Одағының Батыры, Қазақстанның халық батыры, жазушы Бауыржан Момышұлына арналады.

«Бауыржан Момышұлы» кітабында келесі ақпарат бар:

  • Момышұлының өмірі мен қызметінің негізгі тұстары
  • Қысқаша биографиялық очерк
  • Момышұлының еңбектерінен үзінді
  • Оның хаттары
  • Замандастарының еске алуы
  • Момышұлына арналған өлеңдер
  • Момышұлының еңбектері туралы сараптамалық материалдар мен жекелеген пікірлер.

Кітапта көрсетілгендей, Бауыржан Момышұлы жан-жақты тұлға болып табылады, ол қазақ халқының қоғамдық өмірінде орын алған өзгерістердің замандасы, әрі белсенді куәсі. Оны батырдың 1944 жылы Қазақ ССР Ғылым академиясында оқыған дәрістерінің негізінде жарық көрген «Соғыс психологиясы» кітабы дәлелдейді. Оның кітаптары документалды, ондағы нақты тарихи тұлғалардың, аса көрнекті ғылым және өнер қайраткерлерінің – М.Әуезовтің, Қ.И.Сәтбаевтың, Ғ.Мүсіреповтың, А.Жұбановтың, Рошальдің, Ә.Марғұланның, В.Шкловскийдің және басқаларының сезімдерін тыңдау маңызды. Б.Момышұлы ұсынған ақпарат оқырманға ой салып, шығармашылыққа шақырады.

Жалпы, Б. Момышұлы жазушы болам деп жоспарламаған. Бірақ ол өз өмірі мен көзқарастары туралы айту үшін жазушы болды. Ол суретшілер мен жазушылардан көркем әдебиетте болсын немесе тарихи-саяси кітапта болсын соғыс туралы тек қана шындықты жазуды талап етті. «Соғыс туралы кітап әскери тұрғыдан алғанда мәселелерді барынша сауатты, өткір көрсетуі керек, негізгі фигурасы айқастағы адам және оның психологиясы болу керек. Бұл кітап оқырман үшін (тек қана роман емес) бар түйсігімен майдандағы ақиқатты түсінуге мүмкіндік беретін әскери сауатты ашу оқулығы болуы керек». Б. Момышұлы үшін бұл ең алдымен парыз, ал парыз өмірдің алып қозғаушы күші болып табылады.

Б.Момышұлының еңбектеріндегі ортаңғы және аса маңызды мәселелердің бірі генерал-майор Панфиловтың басшылығымен неміс фашистеріне қарсы ерлікпен күрескен Сегізінші гвардиялық атқыштар дивизиясы болып табылады. Бауыржан Момышұлы құжаттар мен көркем формада майдандағы әскери қызметкердің тұлғасының ерекшеліктерін, қағидаларын, міндеттерін сипаттап, оларды көркемдік әдебиетте бейнелеудің нақты жолдарын белгілеген. «Соғыс психологиясы» және «Соғыс туралы ақиқат» шығармалары ұрпақтарға қалдырылған мұра, олар әскери білім алуға және білімді кеңейтуге көп мүмкіндік береді, Ұлы Отан соғысы бойынша отандық және әлемдік тарихнаманың дамуына айтарлықтай үлес қосады. Сонымен бірген онда аса жоғары әскери-кәсіби біліктілік және педагогикалық ойлау мәдениетіне жеткен Б.Момышұлының бейнесін айқын көрсетеді.

Оның ұлттық мақтаныш пен интернационализм туралы ойлары ерекше. Әскер басшысы және жазушы Б.Момышұлының тұлғасы оның туған жеріне, көп ұлттық Отанына деген махаббатпен тікелей байланысты..

М.Әуезовтың жоғары бағасына ие болған Б. Момышұлының еңбектерін ерекше атап кету керек: «Бір түннің тарихы», «Ұшқан ұя», «Генерал Панфилов», «Артымызда Мәскеу». Б. Момышұлының өмірі мен қызметі мына шығармаларда бейнеленген: А. Бектің «Волоколамск тас жолы», Н. Кривицкийдің «Мәңгі бақи ұмытпаймыз», Дм. Снегиннің «Шалғай шепте», Ә.Нұршайықовтың «Ақиқат пен аңызы».

Б. Момышұлы қайсар мінезді тұлға болған. Оның есімі өз Отанының азаматы ретінде мақтана алатын мыңдаған адамдарды тәрбиелей алады, ол туралы Нұрсұлтан Назарбаев былай деген еді: «Ешбір жазушы дәл Бауыржан Момышұлы сияқты Отанға деген сүйіспеншіліктің үлгісі бола алмады».

Ұсынылып отырған кітапта сонымен қатар келесі қосымша көрсеткіштер берілген:

  • Б. Момышұлының еңбектерінің хронологиялық көрсеткіші
  • Б. Момышұлының еңбектерінің әліпбилік көрсеткіші
  • Б. Момышұлына арналған конференциялар материалдарының көрсеткіші
  • Б. Момышұлы туралы еңбектердің әліпбилік көрсеткіші
  • Қосымша авторлар көрсеткіші
  • Атаулық көрсеткіші

Б. Момышұлының еңбектері жарияланған ақпарат көздерінің көрсеткіші.

 
 

Бiздiң мекен-жайымыз
050010, Қазақстан,
Алматы қ., Шевченко к-сi, 28
тел. +7(727) 261-00-37
факс +7(727) 261-02-60
e-mail: cnb@library.kz

Бiздi қалай табуға болады

 


Ғылыми кітапхананың баспалары
 
Copyright © ҚР БҒМ Орталық ғылыми кiтапхана, 2006-2014
eXTReMe Tracker